°¨¨™¤¦ نصائح لمستخدمي الدراجات البحرية (( سكوترات ) ¦¤™¨¨°

السلام عليكم ورحمة الله وبركاته

اخواني الاعزاء

طبعا احنا الحين في عز موسم السكوترات وعندي لكم شوية نصايح وانشاء الله بتنفعكم

اولا:
1- ياليت محد ينزل البحر الا وهو لابس اللايف جاكيت (( السباحه )) ادري في ناس وايد ايتضايقون لما يلبسونها واولهم انا بس في نوع جديد توه نازل خفيف وماتحس فيه كأنك لابس تي شيرت وانا قمت استعمله ومرتاح عليه
لأن لو قدر الله وصار لك حادث واغمى عليك ماراح تطفح الا باللايف جاكت ,,,, لحد ايقول لي انا اعرف اسوق ولا اعرف اسبح ,, اذا تعرف اتسوق في غيرك مايعرف ايسوق وبيدعمك واذا اغمى عليك اعتقد انك ماراح تسبح
2- ياليت الكل ايحاسب ويترك مسافه بينه وبين رفيجه علشان يبتعد عن الحوادث
3- في ناس يلعبون لعبه خطره وايد وهي ان كل واحد ايرش رفيجه بماي وفي ناس وايد تداعمو وتعورو وايد
4- ياليت الكل يبتعد عن السيف والاماكن اللي يسبحون فيها الناس (( ترى البحر وسيع )) ,, لأنك لو كنت في مكانهم راح اتضايق من هل لسكوترات

ثانيا:
نرجع للسكوتر
ياليت الكل يهتم للصيانه الدوريه والغسيل
1- الغسيل عقب ماتطلع من البحر حتى لو انك بتنزل ثاني يوم ,, بعد الغسيل ياليت اترشون دبلو دي 40 وبعد اترشون عليه ماي علشان مايتجمع عليه الغبار
2- فلاشنج ,, اللي هو تشغيل لسكوتر على ماي حلو ,, علشان مجاري التبريد ايكون فيها ماي بحر واذا نشف يبقى الملح ومع الوقت ايتراكم ويسكر مجاري التبريد وتبتدي بعدها تشتكي من الحراره وعقبها سلم على المكينه ,, طبعا هذي من واقع تجربه من تصليح لسكوترات
3- خل الكرسي او الكبن مفتوح لمدة يوم واحد على الاقل علشان الرطوبه اتبخر وتطلع برع واذا عليها فلاتر ريس غطهم بكيس علشان الرطوبه والغبار مايدخلون في الكربيتر
4- تغير البلكات كل اربع نزلات ,,, عمر البلك الافتراضي 10 ساعات ,, وياليت محد ايتفنن في اختيار البلكات ,, بلكات الشركة احسن شي حتى لو كنت مزود
5- في البحر ياليت محد ايشغل سكوتره والماي اقل من الركبه علشان ماتسحب لسكوتر رمل ويتسكر التبريد ,, وطبعا اذا تسكر التبريد ممكن المكينه تسلم عليك وتعطيك عمرها

ثالثا:
ياليت أهل السكوترات من اعضاء المنتدى يسوون لنا تقارير لما يروحون البحر وياليت مع التصوير


اخوكم